Kryetari i grupit parlamentar të LSI-së, Petrit Vasili ka reaguar në lidhje me fjalën që duhet të mbante sot në Kuvend, deputeti i Lezhës, Viktor Tushaj. Vasili u shpreh se truket që po perdorin nuk i kanë hije sallës së Kuvendit e të bëjnë sikur nuk shikojne kur ngrihet dora.
“Kur kërkohet fjala për procedurë jepet fjala, nuk kam pse të flas as pas Mimit dhe as pas 2 prillit dhe sqarimeve tuaja. Nuk besoj se keni asnjë dëshirë të tensiononi sallën për shkak të devocionit që keni marrë përsipër, nuk jemi këtu për të likuiduar detyrimet reciproke të njëri-tjetrit, edhe truket që sikur jeni të pavëmendshëm kur ngrihet dora, janë aq të dala boje dhe aq antipatike sa nuk i shkon kësaj sallë, kjo për procedurë, që të jetë e fundit që ta çlirojmë sallën nga tensionet. Salla është bërë një pronë e një mikrofoni të caktuar. Deputeti Tuashaj iu kalua fjala dhe kërkoj që t’i jepet fjala. Duhet të ketë listë. Ju ia keni dhënë folësve 2-3 folësve të PD apo dhe PS. Në rastin konkret insistoj që zoti Tuashaj të marr fjalët”,- tha Vasili.
Më pas Gramoz Ruci i ka rikujtuar rregulloren Petrit Vasilit.
“Për asnjë lloj arsye nuk i ndërpritet fjala askush. Rregullorja kërkon tre gjëra, që deputetët të regjistrohen para se të flasin. Kryetari i Kuvendit është i detyruar që të lexojë listën e deputetëve që do të flasin. Lidhur me propozimin tuaj mund të keni të drejtë, por rregullorja e Kuvendit përcakton se kryetari i Kuvendit jep fjalën duke shpërndarë në mënyrë proporcionale midis grupeve parlamentare. Unë do zbatoj atë propozim, këtë pikë të rregullores që zbatohet prej 27 vitesh”, – tha Ruçi.
“Për asnjë lloj arsye nuk i ndërpritet fjala askush. Rregullorja kërkon tre gjëra, që deputetët të regjistrohen para se të flasin. Kryetari i Kuvendit është i detyruar që të lexojë listën e deputetëve që do të flasin. Lidhur me propozimin tuaj mund të keni të drejtë, por rregullorja e Kuvendit përcakton se kryetari i Kuvendit jep fjalën duke shpërndarë në mënyrë proporcionale midis grupeve parlamentare. Unë do zbatoj atë propozim, këtë pikë të rregullores që zbatohet prej 27 vitesh”, – tha Ruçi.
