Ish-kryeministri i Shqipërisë, Sali Berisha ka pritur në një takim kryeministri i Kosovës, Ramush Haradinaj në sajë të vizitës që po zhvillon ai në Tiranë.
Pas takimit, ish-kryeministri Berisha ka shfaqur besimin se qeveria e Kosovës me në krye Haradinajn do të realizojnë axhendën, e cila do të jetë në interes të popullit të Kosovës dhe gjithë shqiptarëve.
Ndërkohë në fjalën e tij Haradinaj ka thënë se kosovarët e kanë ndjerë dashurinë e ish kryeministrit dhe se është i nderuar që e ndajnë të njëjtën kohë bashkë.
“Ne e kemi ndje dashurinë e Berishës, e ndjejnë edhe sot. Jemi të nderuar qe e ndajmë një kohë bashkë. Berisha e udhëhoqi Shqipërinë në procese jetike”, tha Haradinaj.
Të pranishëm në takim ishin edhe zëvendëskryeministri, Behgjet Pacolli, ministri i Financave, Bedri Hamza, Ministri i Kulturës, Rinisë dhe Sporteve, Kujtim Gashi si dhe i ngarkuari me punë i Kosovës në vendin tonë, Sylë Ukshini.
https://www.facebook.com/SaliBerisha/videos/874796352681273/
