Fatmir Xhafaj hoqi nga vetja çdo përgjegjësi për akuzat që i bën opozita për të vëllanw e tij, të përfshirë në trafik droge në Itali. Xhafaj tha se familjarët e tij janë madhorë në moshë dhe, nëse kanë shkelur ligjin, le të vuajnë pasojat.
“Ju nuk mund të bëheni, as më shumë, as më pak si ligjzbatues dhe moralbërës për çfarë i ka ndodhur, apo mund t’i ndodhë një pjesëtari të familjes sime. Secili që ka bërë shkelje ligji, është madhor dhe le ta vuajë. Edhe sikur të ishte e vërtetë çfarë më akuzoni, unë kam të drejtë të pyes: Ku është përgjegjësia ime ligjore dhe politike? Ligjore jo e jo, por as politike. Unë jam në politikë prej 20 vitesh dhe jam i gatshëm të përgjigjem dhe përballem me përgjegjësitë e mia. Nuk do të bëj më replikë me avazin tuaj”, u shpreh Ministri i Brendshëm në parlament.
Veç kësaj, Xhafaj tha se për disa muaj, PD kishte edhe Ministrin e Brendshëm edhe atë të Drejtësisë dhe nuk gjeti asgjë për familjarët e tij.
“Në vitin 2010, kur ishit në pushtet, njëri kryeministër, njëri Ministër i Brendshëm më sulmuat me të njëjtin avaz. 7 vjet më parë, në 7 tetor iu përgjigja akuzës tuaj, çfarë kam pasur, jua kam thënë. Ishit Ministër i Brendshëm, t’i provonit akuzat dhe të ndëshkonit me policinë, prokurorinë dhe gjykatat tuaja. Nuk besoj se i falët familjarët e mi. Edhe vjet iu kthyet avazit, por unë vazhdova me reformën. Edhe sivjet, në mars kur u bëra Ministër i Brendshëm, thatë çfarë ju nxori goja e lig. Por ju opozitarët u bëtë pushtetarë dhe janë dy ministri që i kishit. Ku janë faktet dhe provat kombëtare dhe ndërkombëtare? Si nuk ngulmuat dhe të gërmonit? Ku kishte rast më të mirë?”, u “justifikua” Xhafaj.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
E vleresoj shum zotin xhafa per vendosmerine qe ka.Me po kete vendosmeri do coje perpara reformen dhe shqiperine.
Po tamam thot. Vllai vllai, Akuza politike per te dhe vetem kaq. ASgje e vertetuar.
Opozita e tanishme ishin shume vjet ne pushtet 8 te tilla dhe kurr nuk provuan dicka, sado te vogel dhe tani kakarisin.
Kjo jane politika pushtetesh , lerini keto po shikoni reformen se sikur po e shmangni situaten . hajt puna mbar
Ja ku e tha.
Eshte i gatshem te perballet me cdo ligj dhe me Kushetuten e ketij vendi per cdoveprim qe ka bere dhe qe do beje.
Jo si Basha qe trembet per vdekje nga reforma dhe nga burgu qe e pret.
O luli e harrove kunatin tend mo? Boll fole per akuza te vjetra qe kurr sjan vertetuar.
Njeriu me i ndergjegjshem qe ka politika qe dep hapur dhe flet per ate qe e akuzojn pa te drejte,njeri me virtyte te larta qe duhet pergezuar per cdo gje qe ben
Zoti Xhafa eshte nje person me integritet shume te lart. Ska patur kurr probleme Akuzat ndaj tij jan vetem per te demtuar figuren e tij permos qe jan te paverteta