Meqënse vera iku dhe po i themi dalëngadalë lamtumirë temperaturave të larta, ne poashtu po hedhim tutje ngadalë kombinimet dhe aksesorët që kanë përcaktuar këtë sezon. Këtë vit kemi parë kombinime të ndryshme verore, por si duket aksesorët do të vazhdojnë të jenë në trend, sidomos modeli i çantave klasike, delikate e që janë freskuar e modernizuar sot. Edhe Rihanna ka ekspozuar një sërë të modeleve të tilla duke i përshtatur më së miri me stilin e saj. Merrni në konsideratë modelin e çantës Celine, apo llojin si sirenë të kuqe, apo modelin e Marques ‘Almeida’ të kompletuar me një dorezë të ndashme. Ekzistojnë stile të ndryshme të kuletave tradicionale që kanë qenë shumë të dashura nga gjyshet tona e që me detaje printuese i japin një bukuri elegante. Për mbrëmje, Rihanna ka qenë ajo që ka kombinuar modelin e çantës me zinxhir nga Prada, që përputhej shumë mirë me detajet prej argjendi dhe veshjen e saj prej najloni./femra.net/
