Qyteti i Livornos në Itali është përfshirë nga një përmbytje e madhe. Sipas mediave lokale 4 persona janë gjetur të vdekur në një bodrum në rrugën Nazzario Sauro, një në rrugën Fortanella në zonën e Monterotondo-Montenero, kurse tre persona rezultojnë të zhdukur. Erëra të forta dhe reshje që kanë rënë gjatë natës i kanë përmbytur rrugët duke i kthyer në lumenj. Kryebashkiaku i Livornos është shprehur se gjendja është e jashtëzakonshme.
“Jemi në kushte të jashtëzakonshme, situata është dramatike. Stacioni i trenit të Livornos nuk është në funksion që nga ora 3 e natës për shkak të përmbytjes dhe disa linja hekurudhore janë devijuar kurse linjat ndërmjet Cecina, Livorno dhe Pisa janë mbyllur. Bie shumë shi, ka krijuar vështirësi,”- tha kryebashkiaku i Livornos, Filippo Nogarin në një intervistë për RaiNeës24, pas përmbytjeve në këtë qytet.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
