Zëdhënësja e Grupit të PD-së, Grida Duma ka reaguar lidhur me faktin se si rrodhën dy votat e opozitës për zgjedhjen e kreut të ri të Kuvendit.
Me anë të një statusi në faqen e saj në “Facebook”, Duma pohoi se sot u vodh dhe u manipulua edhe rezultati. Ajo shtoi se në seancën e parë të kësaj legjislature u krye vrasja e parë e votës se lirë.
Mesazhi i plotë i Grida Dumës
Grupi parlamentar i Partisë Demokratike vendosi me qëllim të qartë të lërë Partinë Socialiste të administronte numërimin dhe votimin; pikërisht për të vërtetuar deri ku shkon e keqja. U faktua!
Sot u vodh dhe u manipulua edhe rezultati i sigurt.
Mosmarrja pjesë e opozitës, Partisë Demokratike në komisionin e votimit u bë pikërisht për të faktuar se udhëheqësi me “Ruçë” do të jetë si në diktaturë, ku shkruheshin dëshmitë e rreme në dosjet që do të përcillnin vrasjet reale.
Në seancën e parë të kësaj legjislature u krye vrasja e parë e votës se lirë!
