Një makinë është djegur mesditën e sotme. Ngjarja ka ndodhur në fshatin Panaja të Vlorës, në aksin rrugor Novoselë-Vlorë, tek mbikalimi në Panaja.
Menjëherë pas lajmërimit policia së bashku me shërbimin zjarrfikës kanë shkuar në vendngjarje duke bërë të mundur fikjen e zjarrit.
Nga verifikimi paraprak i policisë ka rezultuar se ka qenë mjeti tip ”Ford Focus”, me targë AA 875 NV, i djegur pothuajse pjesërisht, me drejtues mjeti shtetasin E.A., 22 vjeç, banues në Risili, Vlorë.
Nga zjarri në automjet nuk ka persona të dëmtuar.
Grupi hetimor po punon për zbardhjen e plotë të shkakut të rënies së zjarrit në automjet.
