211 kg kanabis janë zbuluar në një vilë në zonën e Ujit të Ftohtë në Vlorë.
Ngjarja ndodhi gjatë zhvillimit të operacionit policor të koduar ” Fillim Vjeshte”. Policia ka mësyrë tek një vilë dykatëshe, për të cilën dyshohej se ishte bazë për grumbullimin dhe shitjen e kanabisit.
Operacioni policor antidrogë i solli arrestimin në flagrancë të Dilaver Pecajt, një 41-vjeçari nga fshati Trevllazër, që ishte i dyshuari kryesor si dhe nisjen e kërkimeve për dy persona të tjerë: F.P dhe A.M.
Vila në të cilën ndërhyri policia rrezikon të sekuestrohet, pasi kjo pronë dyshohet se është përfituar nga aktiviteti kriminal, prodhimi she shitja e lëndëve narkotike.
NJOFTIMI I I POLICISE
Operacioni është zhvilluar në lagjen ”Uji i Ftohtë”, në një banesë 2 katëshe, ku në një nga dhomat e kësaj banese është konstatuar dhe sekuestruar nga policia një sasi lënde narkotike Cannabis Sativa, me një peshë totale rreth 211 kg e 700 gramë.
Si rezultat i operacionit është arrestuar në flagrancë shtetasi: Dilaver Pecaj, 41 vjeç, banues në Trevllazër, Vlorë. G
jithashtu të përfshirë në këtë aktivitet kriminal, kanë rezultuar edhe shtetasit F.P., 47 vjeç dhe A.M. 34 vjeç, të cilët janë shpallur në kërkim policior.
Njëkohësisht po vijojnë verifikimet dhe veprimet, me qëllim sekuestrimin e banesës për të cilën dyshohet se është përfituar nga aktiviteti kriminal në fushën e narkotikëve. Materialet i kaluan Prokurorisë pranë Gjykatës së Shkallës së Parë Vlorë, për veprën penale të ”Prodhimit dhe shitjes së narkotikëve” parashikuar nga neni 283/2 i Kodit Penal.
