PJESA E DYTË MINUTË PAS MINUTE
78’ Barazon shifrat Maqedonia me penalltinë e Trajkovskit. 1-1
77’ Penallti e dyshimtë për Maqedoninë. Pas një harkimi në zonë, Hysaj largon por topi preket me dorë nga Roshi. Erikson bën shenjë nga pika e bardhë.
75’ Dy goditje radhazi të Alioskit që largohen nga Berisha.
74’ Sulm i shpejtë për Shqipërinë në të djathtë, Roshi hedh topin në qendër nga një pozicion i mirë, por Sadiku nuk e kupton dhe Dimitrevski pret me qetësi.
72’ Zëvendësim i detyruar për Shqipërinë, largohet Agolli i dëmtuar dhe në vend të tij futet Memolla.
69’ Drithërima për Shqipërinë. Alioski harkon nga e djathta, Nestorovski devijon sferën dhe pastaj Pandev gjuan me kokë duke kaluar Berishën. Hysaj tregohet vendimtar, duke larguar topin nga vija e portës.
67′ E tepron Roshi me një ndërhyrje të panevojshme ndaj kundërshtarit dhe merr kartonin e verdhë qw e mban edhe atë larg ndeshjes me Spanjën.
61’ Bardhi mundohet të zgjidhë gjithçka vetë me goditjen e radhës nga jashtë zonës, pa gjetur kuadratin e Berishës.
58’ Sadiku humb mundësinë e golit të dytë. Memushaj nga e majta i jep një pasim perfekt sulmuesit i cili në mënyrë të pabesueshme gjuan jashtë.
56’ Goditje dënimi e Memushajt, direkt në portën e Dimitreskit, i cili largon topin në goditje këndi.
53’ Odise Roshiiiiii. 0-1. Shqipëria në avantazh. Kundërsulm i shpejtë i Sadikut në krahun e majtë. Sulmuesi sheh Roshin dhe lëshon një harkim perfekt për mesfushorin i cili gjen rrjetën me gjuajtjen e parë në portë të Shqipërisë në këtë ndeshje.
51’ Hysaj i dorëzon topin Alioskit, i cili lëshon një harkim të rrezikshëm drejt zonës, largon më vështirësi prapavija dhe Hyka kthehet duke hequr sferën.
47’ Ajeti largon harkimin e radhës drejt zonës së kuqezinjve, duke kaluar topin në fundore.
46’ Rifillon ndeshja me dy zëvendësime te Shqipëria. Basha dhe Memushaj zënë vendin në fushë të Llullakut dhe Kukelit.
