Një 32-vjeçari me inicialet N. Ç., duke drejtuar automjetin tip ‘Benz’ ka goditur një të moshuar, i cili po dilte nga shtëpia me mjet bujqësor tip freze. Ngjarja e rëndë ka ndodhur një ditë më parë në rrugën Nepravishtë Libohovë. 69-vjeçari ndodhet në gjendje të rëndë për jetën, ndërsa policia ka referuar në Prokurori procedimin penal ndaj shkaktarit të aksidentit.
Njoftimi i policisë
Më datë 01.09.2017, u referuan materialet në Prokurorinë e Rrethit Gjyqësor Gjirokastër, për shtetasin N. Ç, vjeç 32, banues në fshatin Nepravishtë, pasi më datë 31.08.2017, rreth orës 10:00, në rrugën Nepravishtë-Libohovë, duke drejtuar mjetin tip “Benz”, është përplasur me një mjet bujqësor “Zetor”, i drejtuar nga B.P, vjeç 69, banues në Nepravishtë, i cili ndodhet në spital në gjendje të rëndë. Neni 290 i Kodit Penal.
