Faqja e njohur në instagram @richkidsofalbania poston vazhdimisht foto nga jeta luksoze e fëmijëve shqiptarë. Janë emra mjaft të njohur për ne si Fatmir Hysenbelliu, Viola Spiro, Angela Martini e shumë të tjerë, të cilët ekspozojnë jacuzzi, jahte, makina luksoze dhe shuma të konsiderueshme parash. “The Sun” ka shkruar nje artikull mbi disa prej fëmijëve të pasur të Shqipërisë, marrë shkas nga kjo faqe.
Sipas britanikes keta adoleshentë dhe të rinj nga Ballkani janë fëmijët më të pasur të vendit, të cilët mburren për mënyrën e tyre të jetesës duke reklamuar në rrjetet sociale makinat luksoze, avionë e jahte private, tufa parash, por edhe armë. Dhe kjo e fundit u duket tronditëse.
“Ashtu si fëmijët e tjerë të pasur, edhe shqiptarët gjithashtu kanë makina luksoze dhe modelet me të fundit të tyre. Por tronditëse është se si disa i shpenzojnë paratë për armë”,- shkruan ndër të tjera “The Sun”.
