Edi Rama ka prezantuar kabinetin e ri te qeverise. Gjate fjalimit te tij permbylles, Kryeministri Rama ka treguar se ka bashkuar disa ministri ne nje te vetme per te shmangur sorollatjen e qytetareve. Me poshte keni emrat e perzgjedhur dhe postet ne te cilat jane vendosur.
Qeveria e re do të ketë 11 ministri dhe 2 ministra shteti. Në përbërje të saj do të ketë 50% burra dhe 50% gra. Detyrën e zv/kryeministres e merr Senida Mesi, deputete e qarkut të Shkodrës, e cila duket se është risia kryesore e kabinetit qeveritar, ndërsa shumë prej ministrave rikonfirmohen.
Rama: Pranë meje do të jenë edhe dy ministra shteti, njëri për shqiptarët jashtë kufijve dhe natyrshëm në këtë post është Pandeli Majko. Ministrja e Shtetit për mbrojtjen e sipërmarrjes do të jetë Sonila Qato.
Rama:
Detyrën e ministrit të Jashtëm do t’ia ringarkoj Ditmir Bushatit.
Ministria e Brendshme do t’i ngarkohet Fatmir Xhafës.
Ministria e Mbrojtjes, duke falënderuar Mimin për punën e bërë, stafetën tek Mbrojtja do ta marrë prapë një grua Olta Xhaçka.
Etilda Gjoni, ministre Drejtësisë.
Ministria e Kulturës do të ringarkoj Mirela Kumbaron
Ministria e Financave do të bashkohet me Ekonominë, e cila do të marrë edhe sektorin e punës nga Ministria e Mirëqenies Sociale.
Ministër i Financave, Ekonomisë dhe Punës ngarkoj Arben Ahmetajn.
Ministrisë së Arsimit dhe Sporteve do t’i bashkohet Rinia dhe në detyrën e ministres do t’i jepet Lindita Nikollës.
Ministria e Shëndetësisë do të jetë Ogerta Manastirliu.
Ministria e Energjisë do të bashkohet me Infrastrukturën. Damian Gjiknurido të jetë ministri.
Detyrën e ministrit të Bujqësisë dhe Zhvillimit Rural do të ngarkoj Niko Peleshin.
Komponenti i turizmit dhe mjedisit do të bashkohet. Detyrën e ministrit do të ngarkoj Blendi Klosin.
“Këto janë ndarjet dhe bashkimet e blloqeve të mëdha. A do ta përfundojmë mandatin me këtë qeveri? Këtë do ta tregojnë vetëm pasqyrat hapi pas hapi të çdo ministri. Filozofia e këtij mandati është pasqyra e rezultateve.”, tha Rama.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
