Një roje karburanti ka denoncuar sot se dy persona të maskuar me armë, i kanë grabitur xhiron ditore. Ngjarja ka ndodhur në Qishbardhë të Vlorës në një karburant. Sipas rojes me Xh.L, dy personat e maskuar nën forcën e armëve i kanë marrë me dhunë xhiron ditore. Ndërkohë që policia ka filluar hetimin për ngjarjen, pasi dyshon se kjo histori mund të jetë mashtrim nga ana e rojës së karburantit.
Njoftimi i policisë:
Më datë 18.08.2017, në fshatin Qishbardhë në Vlorë në pikën e një karburanti, kallëzon roja Xh.L, se i kanë shkuar 2 persona të maskuar dhe i kanë marrë me forcë lekët e xhiros. Punohet për vërtetësinë e informacionit si dhe zbardhjen e rrethanave të ngjarjes, identifikimin e kapjen e autorëve.
