Duke filluar nga ky sezon kompeticionet e organizuara nga FSHF-ja do të luhen edhe me topa zyrtarë me logot përkatëse.
Sot gjatë hedhjes së shortit të Kategorisë së Parë, u zbulua dhe topi zyrtar me të cilin do të luhen ndeshjet e këtij kampionati. Ai është me ngjyrë të verdhë dhe përveç logove të Kategorisë së Parë dhe të FSHF-së, ka edhe disa shenja në formën e shqiponjën dykrenare me ngjyrat kuqezi.
