Në një kronikë të Televizionit Publik Shqiptar është raportuar gjendja skandaloze e spitalit të Beratit. Përcse shërbimi lë për të dëshiruar dhe kardiologu, mjeku i zemrës, shërben si gjinekolog.
“Të sëmurët kronikë presin me orë të tëra në temperatura të larta dhe në kushte aspak të përshtatshme vizitën tek mjeku kardiolog. Ky i fundit, krejtësisht i vetëm në spital, i duhet të përballojë mbi 100 vizita në ditë”.
Më poshtë jepet edhe reagimi i njerëzve:
“Këtu nuk ka mjekë të tjerë. Kemi orë që presim në vapë të sëmurë. Të vish nga Poliçani këtu në Berat, vdes. Nuk ke më fuqi të presësh. Nuk as stola për t’u ulur. Edi Rama duhet të marrë masa të sjellë mjekë në Berat e jo t’i lërë mjekët të ikin jashtë”.
Kardiologu Julian Rexha që merret me lindjen e grave thotë nga ana e tij për këtë situatë:
“Kam shumë ngarkesë dhe i vetëm duhet të përballojë jo vetëm vizitat në Repartin e Kardiologjisë, por edhe konsultat e spitalit, të sëmurët kardiakë të reanimacionit të shtruar në patollogji, konsultat e kirurgjisë për të sëmurët që duhet të operohen, konsultat e gjinekologjisë për gratë shtatëzëna, fëmijët në pediatri që kanë probleme të lindura, ndërkohë që duhet të jetë njëkohësisht në gadishmëri për të gjitha urgjencat nga problemet e zemrës,ditën dhe natën”.
Por puna e këtij mjeku që i bën të gjitha në një spital qendror rajonal si ai i Beratit nuk mbaron këtu.
“Në disa raste kardilogut Ranxha i duhet të shoqërojë të sëumrët rëndë drejt QSUT në Tiranë për trajtim më të specializuar, duke i lënë ata të Beratit në mëshirë të fatit, pasi e ka të pamundur të jetë në të njëjtën kohë në dy”, raportohet në këtë kronikë të TVSH-së ku del hapur se çfarë është bërë me Rilndjen e Shëndetësisë nga qeveria Rama në këto katër vite.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
