Shumë qytetarë të Tiranës vazhdojnë të mbushin ujë në Dajt. Kjo për faktin se uji që vjen në shtëpitë e tyre nuk është i sigurt. Por me vendimin e Bashkisë për të rritur çmimin e ujit, edhe uji i Dajtit është bërë me pagesë.
Paratë i merr një person, që sillet si pronari i burimit. Për të mbushur ujë duhet më parë të paguash atë. Denoncimi për këtë fakt është bërë nga një qytetar, i cili ka dërguar në faqen e internetit JOQ një video ku shihet se si qytetarët që duan të mbushin bidonat e tyre me ujë, paguajnë fillimisht “pronarin” e burimit që ndodhet në Parkun Kombëtar të Dajtit.
