Policia ka marrë në pyetje 4 të arrestuarit për vrasjen e 22-vjeçarit, për një karikues telefoni pranë stadiumit “Dinamo”, përball hetuesve ata kanë thënë se nuk kanë dashur ta vrasin të riun.
Eugen Bitraj thotë se është ofenduar nga 22-vjeçari gjatë telefonatës, më pas ata kanë lënë një takim për tu sqaruar dhe serish Marvui Mihali i ka ofenduar, kjo sipas njërit prej shokëve të tij tashmë të arrestuar, raporton “Shekulli.
Fillimisht sherri ka nisur si një përplasje fizike, por më pas Eugen Bitraj e ka goditur viktimën me thikë në zemër, ndërsa arma e krimit ende nuk është gjetur.
Gjithashtu mësohet se Prokurori do të kërkojë masën arrest me burg për 4 të arrestuarit që do të dalin ditën e enjte përpara Gjykatës.
