Lopët mund të jenë aleatët më të mirë të njeriut në betejën për të gjetur një vaksinë kundër virusit HIV-AIDS. Sipas një studimi të publikuar në revistën “Nature”, lopa është në gjendje të prodhojë ato që njihen si “super anti-trupa”.
Sistemi imunitar i kësaj kafshe rezultoi të ishte shumë më i shpejtë në reagim, në krahasim me atë të njeriut. Kërkimi shkencor u bazua në një eksperiment të zhvilluar me disa pacientë sieropozitivë prej vitesh, anti-korpet e të cilëve nuk reaguan pozitivisht. E njëjta metodë te lopët rezultoi e suksesshme dhe 42 ditë pas injektimit të virusit, në trupat e kafshëve u krijuan super anti-trupat e parë.
Një vit nga eksperimenti, mburoja imunitare e krijuar te lopët ishte 96%. Autorët e kërkimit shkencor u shprehën të habitur nga rezultati, veçanërisht për kohën e shkurtër në të cilën krijohen anti-trupat te lopët. Objektivi i këtij kërkimi është stimulimi i stemit imunitar të njeriut, nënvizojnë shkencëtarët, në mënyrë që në të ardhmen të vetë-prodhohen anti-trupat kundër HIV-AIDS-it.
Lopa, zgjidhja për të luftuar AIDS-in?!
