Një i ri nga Fieri ka tentuar të zgjidhë problemet sipas mënyrës së tij, por i ka hapur më shumë telashe vetes.
Duke iu referuar burimeve nga policia e Tiranës, mësohet se i riu nga Fieri Ardian Peshtanaku 25 vjeç është arrestuar pasi dje në orën 13:30 ka qëlluar me shishe molotov godinën Kryeministrisë.
Teksa është marrë në pyetje, i riu ka pranuar krimin dhe ka pretenduar se këtë veprim e kreu në shenjë hakmarrje pasi shteti nuk i zgjidhe hallet.
Njoftimi i plotë i Policisë
Më datë 24.07.2017, u arrestua në flagrancë shtetasi A. P. 25 vjeç, banues në Fier, sepse në orën 13:30, në bulevardin “Dëshmorët e Kombit”, përpara Kryeministrisë, ka hedhur një shishe me lëngë ndezëse, e cila ka shpërthyer po pa shkaktuar probleme në njerëz. Neni 154 i kodit penal.
