Dalin në dritë detaje të reja në lidhje me krimin makabër që ndodhi sot në mëngjes në Bathore, Kamzë. Sherri ka nisur pas një zënie që pati mes Mirald Metallarit, 21-vjeç dhe të atit të tij në lidhje me një mur rrethues.
Sherri mes të dyve është acaruar shumë ndërkohë që ka ndërhyrë e ëma për ta shuar atë.
Djali ka marrë pistoletën e të atit më pas dhe ka qëlluar mbi të dy duke lënë të vdekur në vend të atin, Myftar Metallari dhe plagosur rëndë të ëmën, Nurie Metallari.
Autori ishte kthyer nga Gjermania para gjashtë muajsh ku kishte qëndruar prej dy vitesh emigrant.
Burime nga fqinjet thone se ai nuk e kishte perjetuar mire kthimin nga Gjermania, por policia ende nuk ka dale me nje version lidhur me gjendjen e djalit ne momentin kur qelloi me arme mbi prinderit.
Pas sherrit me te atin, Myftar Metallarin, nje oficer rendi ne komisariatin nr. 5 ne Kamze, djali ka rrembyer armen e sherbimit te te atit te tij polic dhe ka qelluar mbi te dy prinderit, duke lene te vdekur ne vend babane dhe duke plagosur nenen Nurie Metallari.
Gjatë dëshmisë në polici, Miraldi ka shprehur pendesë të madhe për vrasjen dhe dukej i shqetësuar për të motrën që do të martohej pas dy javësh. Po ashtu sipas policisë ai pyet vazhdimisht për shëndetin e të ëmës ndërkohë që nuk ngjan të jetë shumë koshient edhe për humbjen e të atit.
“Autori i dyshuar shtetasi M.M., u kap nga shërbimet e policë gjatë kohës kur po transportonte të ëmën në spital dhe shoqërua në ambientet e policisë për veprime të mëtejshme”-njofton policia.
Sipas saj, janë sekuestruar në cilësinë e provës materiale disa gëzhoja dhe një pistoletë e llojit TT Model 56. Grupi hetimor po vazhdon punën për zbardhjen e shkakut dhe rrethanave të ngjarjes.
