Tre shqiptarë janë dënuar në total me rreth 20 vite burg, pasi u kapën me drogë të klasit A, në Cardiff të Uellsit. Kristian Bujaj, 26 vjeç, Klaudio Doroftei, 25 vjeç dhe Ermal Zina, 39 vjeç dolën para gjykatës së Cardiff të enjten, pasi u shpallën fajtorë për pastrim parash dhe posedim droge me qëllim shpërndarjen.
Ata u arrestuan në një banesë në The Hawthorns të Pentwyn, pasi u kapën me dy pako me kokainë të pastër, peshore dhe telefonë. Atyre iu gjet gjithashtu një sasi prej 6 mijë paund, para kesh, që i kishin fshehur nën dyshemenë e një banese në Nesta Road, në Canton më 7 shkurt. Droga e sekuestruar nga autoritetet britanike, sipas “WalesOnline“, kapte vlerën e më shumë se 200 mijë paundëve.
Tre shqiptarët u shpallën fajtorë dhe gjykata vendosi që të dënojë me 6 vite dhe 8 muaj burg Doroftein dhe Zinën, ndërsa 6 muaj dha për Bujaj. D
etektiviti Ian Morgan tha se pas një pune intensive hetimore, efektivët e policisë kishte mbërritur në adresën e Pentwyun në kohën e duhur, duke i kapur “mat” tre shqiptarët. Sipas tij, kjo ishte dhe arsyeja përse e kishin të pamundur që të mohonin përfshirjen e tyre. Morgan theksoi se është e qartë ata ishin pjesë e një bande të organizuar kriminale që operon në Cardiff
