Ylli Manjani deklaron në Ora News se nuk do ta pranojë mandatin e deputetit, pas marrjes sw betimit të Ilir Metës President të Republikës.
Në renditjen që LSI ka dorëzuar në KQZ për vitin 2013, ish-Ministri i Drejtësisë renditet pas Luan Ramës, por duket se do të preferojë që mandatin për dy muaj t’ia lërë Ardit Çelës.
“Nëse do ftohem nga KQZ për të marrë mandatin do ta refuzoj, patjetër që do ta refuzoj.Është formalitet i tepruar tashmë, nuk ka asnjë kuptim. Ky parlament ka marrë vulën e fundit të tij praktikisht, teorikisht qëndron në detyrë, por ky është një muaj pushimesh dhe unë kam planifikuar pushime. I qëndroj besnik fjalës që kam thënë se nuk është e thënë të jesh deputet për të bërë politikë, nuk më ka penguar asnjëherë mosqenia deputet për të bërë politikë. Kam bërë poltiikë dhe bisedoj me këdo fare lirisht pa qenë e nevojshme të jem deputet. Rrjetet sociale janë një obsion i mirë, por edhe Ora Neës është një televizion shumë i këndshëm për mua”, deklaron Manjani.
Ilir Meta do të betohet në datën 24 korrik në Parlament, kur dhe do të nisë detyrën e Presidentit të Republikës.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
