Personi që u plagos mbrëmë në Tiranë ën afërsi të gjimnazit Partizani ka treguar një emër tjetër por jo emrin e tij për policinë e Tiranës.
Por në fakt sot është mësuar se cili ishte në të vërtetë. Ai është
Mishel Manoku, vite më parë një aktor i njohur dhe i sukseshëm në disa filma apo projekte shqiptaro-italiane të kinemasë.
Ai hezitoi dy herë policinë mbrëmë duke treguar një identitet tjetër.
Manoku ndodhet në spital pa rrezik për jetën ndërkohë që policia po punon për kapjen e autorit të krimit.
Njoftimi i policisë, mbrëmë:
Më datë 20. 07. 2017, rreth orës 21:11, në numrin e Emergjencave 112, ka ardhur telefonatë për të shtëna me armë në afërsi të gjimnazit “Partizani”.
Në vendngjarje kanë mbërritur shërbimet e policisë dhe ambulanca.
Nga verifikimet paraprake ka rezultuar se në rrugën “4 Dëshmorët”, është gjendur një shtetas i shtrirë dhe i gjakosur i cili është transportuar në spitalin “Ushtarak”, ku ndodhet nën kujdesin e mjekëve.
Në vendin e ngjarjes janë sekuestruar gëzhoja të qitura nga armë e llojit pistoletë.
Janë ngrit pika kontrolli në hyrje dalje të zonës dhe vazhdon krehja e territorit.
Grupi hetimor po vazhdon punën për saktësimin e gjeneraliteteve të të plagosurit dhe zbardhjen e shkakut dhe rrethanave të ngjarjes.
