Shërbimet e Policisë Kufitare në Qafë-Thanë, në bashkëpunim me specialistët e seksionit për Narkotikët në Drejtorinë Vendore të Policisë Korçë, bënë kapjen dhe arrestimin në flagrancë të shtetasve :
Taip Adilovski, 19 vjeç,
Nazif Sali, 20 vjeç dhe
Ardian Feta, 21 vjeç, të tre banues në Shkup.
Më datë 16.07.2017, këta shtetas janë paraqitur në pikën e kalimit kufitar me mjetin tip “Mitsubishi” me targa SK6397AM (në pronësi të shtetasit Nazif Sali). Gjatë kontrollit trupor të ushtruar shtetasit Taip Adilovski, iu gjetën dhe sekuestruan në cilësinë e provës materiale 4 (katër) qese me peshë 16.6 gr lënde narkotike e dyshuar si Cannabis Sativa.
Dy shtetasit e tjerë, kanë patur dijeni për këtë fakt dhe nuk kanë kallëzuar në organet e Policisë.
Materialet i kaluan Prokurorisë të Rrethit Gjyqësor Pogradec për veprat penale : “Prodhimi dhe shitja e narkotikëve” në ngarkim të shtetasit Taip Adilovski dhe “Moskallëzimi i krimit” në ngarkim të dy shtetasve të tjerë, parashikuar nga nenet 283 e 300 të Kodit Penal.
