Pesë personat e arrestuar për ngarkesën me 1.3 ton drogë në Kavajë kanë dalë përpara trupit gjykues për tu njohur me masën e sigurisë.
Gjykata dha vendimin arrest me burg për Jani Sadikajn paraditen e së hënës. E njëjta masë u dha edhe për Kejvi Hajdarin, djalin e ish-shefit të krimeve në Gramsh.
Hajdari ka mohuar përfshirjen e tij në trafikun e drogës. Ai ka thënë se ka qenë duke ngrënë drekë me shokët ditën kur është kapur sasia e kanabisit.
Ndërsa pritet masa për 3 të arrestuarit e tjerë Roland Hysenbelliu, Aristotel Kasaj dhe Arvis Muçaj.
5 personat janë përfshirë në tentativën për trafikimin e rreth 1.3 ton kanabis sativa, e cila u zbulua katër ditë më parë në zonën e bregdetit të Kavajës.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
