Është arrestuar drejtori i Ujësjellës Kanalizime të Shkodrës.
Ndërkohë dy punonjës të tjerë janë në gjendje të rëndë.
Viktima është Klodos Çeliku, ndërsa të plagosurit Maliq Selja dhe Gjon Gjoni janë në spitalin e Shkodrës.
Njoftimi i policisë:
Më datë 14.07.2017, në lagjen “Partizani” Shkodër, në vendin e quajtur pranë “Kolegjit Turk”, ndërsa po punonin në një kolektor të ujërave të zeza, ka humbur jetën shtetasi K. Ç, 34 vjeç, banues në Golem-Shkodër si dhe është plagosur shtetasi Gj. Gj, 56 vjeç, banues në Shkodër.
Në përfundimin të veprimeve hetimore , u bë arrestimi në flagrancë i shtetasit Preke Toma, 48 vjeç, banues në Shkodër, me detyrë Përgjegjës i ujërave të zeza në Ndërmarrjen e Ujësjellës Kanalizime Shkodër.
Gjithashtu u proceduan në gjendje të lirë shtetasit:- Y. R. 64 vjeç, banues në Shkodër, me detyrë inxhinier në Ndërmarrjen Ujësjellës kanalizime Shkodër – L.P. 52 vjeç, banues në Shkodër , me detyrë drejtues teknik në Ndërmarrjen Ujësjellës Kanalizime Shkodër.
Procedimi penal ndaj këtyre shtetasve filloi pasi nuk kanë marrë masat e sigurimit teknik të përcaktuar nga legjislacioni në fuqi si dhe nuk i kanë pajisur me masa mbrojtëse.
Materialet i kaluan Prokurorisë së Shkodrës për veprën penale “Shkelje e rregullave të mbrojtjes në punë”.
