Kryeministri Edi Rama, postoi një status në “Facebook”, ku renditi sipas tij disa nga arritjet e qeverisë gjatë mandatit të parë. Ndërsa më tej Rama, shtoi se “për krijimin e ajkës së administratës moderne shqiptare ose asaj që mund të quhet “pjesa e sipërme” e administratës, ministri e institucione të tjera qendrore” do të punohet dhe në mandatin e dytë.
Pas këtij postimi një qytetarë denoncon drejtorin te spitali Psikiatrik në Vlorë, ku i shkruan se e ka kthyer këtë institucion në një bordello.
E menjëhershme ka qenë përgjigjja nga ana e Ramës, jo sic mund të pritej, futjen në “listën e zezë” të drejtorit të Psikiatrikut të Vlorë, por duke i shkruar me ironi denoncuesit, se mbase vetë nuk duhet të shkojë ne psikiatri, por ama i ka rënë dielli në kokë.
Replikat
Qytetari: Ke nje Kujtim Llapi drejtor te psikiatria ne Vlore qe e ka bere bordello!!Vidh leke edhe mere breket e punonjseve qe ka punesuar vete!!na tregon reformat ti!!
Po te shkosh ndonje dite te psikiatria ne Vlore kujdes se do te hidhen kalamajt e Kujtimit kokës!!
Rama: Mbase ti nuk duhet te shkosh tek psikiatria, po nje vemendje te vecante ndaj te nxehtit duhet ta kesh dhe mos e ekspozosh shume koken ne diell, sepse nga menyra si shprehesh ke nje rreshqitje te lehte te zones se trurit ku formulon mendimet.
