Policia e kryeqyteti njoftoi se vajza 5-vjeçare, e cila një ditë më parë u përplas nga një makinë në periferi të Tiranës, tek pallatet “Malazjane” pranë Kthesa e Kamzës, ka ndërruar jetë në spital.
Vajza ishte duke kaluar rrugën bashkë me gjyshin e saj kur janë përplasur nga një makinë.
Mësohet se gjyshi i vogëlushes eshte shtruar në spital dhe është jashtë rrezikut për jetën.
Ndërsa mbrëmë kanë qenë kalimtarët, atë që kanë telefonuar në numrin e Emergjencave 112.
“Në vendngjarje u dërguan shërbimet e policisë dhe ambulanca. Nga hetimet paraprake të policisë, rezulton se Xhaferr Kallari, 77 vjeç së bashku me mbesën e tij, A.K., 5 vjeçe, kanë qenë duke kaluar rrugën nga njëri krah në tjetrin, kur janë përplasur nga mjeti tip “Volksëagen” me drejtues I.H” thuhej në njoftimin e policisë.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
