Një 17 vjeçar është në gjendje shumë të rëndë për jetën pasi u godit me thikë nga një djalë italian.
Ngjarja ndodhi në Stradella të Pavias, në një park, ditën e hënë pasdite.
Dy të rinjtë u grindën të dielën në mbrëmje në një disko, ndërsa të hënën pasdite (3 korrik), ata janë takuar përsëri në një park për t’u sqaruar.
Sipas “Corriere”, motivi i grindjes ka qenë një vajzë që u pëlqente të dy djemve.
Në zënkë e sipër, 19 vjeçari italian Simone Maddaluno, e ka goditur atë në gjoks. I riu shqiptar, emri i të cilit nuk bëhet i ditur ndodhet në gjendje kritike në spital.
Banorët lokalë të alarmuar nga britmat, dolën dhe kërkuan menjëherë ndihmë në policie.
Mjekët e spitalit “San Matteo” në Pavia kanë kryer një operacion të madh në përpjekje për të shpëtuar jetën e adoleshentit me origjinë shqiptare.
19 vjeçari është shoqëruar në stacionin policor nën akuzën e tentativës së vrasje.
