Një aksident i rëndë ka ndodhur dje në Itali ku i ka marrë jetën një të riu shqiptar i identifikuar si Edison Kukaj.
Aksidenti ka ndodhur në autostradën A16 Napoli-Canosa, në Grottaminarda.
Kukaj, me banim në Itali, ishte duke drejtuar një makinë tip “Renault Twingo” në drejtim të Barit, kur në kilometrin e 88-të të autostradës, mjeti u përplas me mbajtëset e hekurta të rrugës.
Përplasja ishte e fuqishme dhe fatale për shqiptarin, ndërsa e fejuara e tij amerikane, me origjinë nga Nju Jorku, u shtrua në spital, pasi mbeti në gjendje shoku. Vajza është jashtë rrezakut për jetën.
Paraprakisht, dyshohet se përplasja ndodhi pasi makina “Renault” lëvizte me shpejtësi të madhe.
Çifti i dashur la Firencen mbrëmjen e së premtes për të shkuar në “Cassano delle Murge” (në provincën e Barit) në shtëpi të prindërve të shqiptarit 28-vjeçar.
Por, ky ishte udhëtimi tragjik i pushimeve të fundit që çifti kaloi së bashku.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
