Kur duhen më pak se 3 javë për zgjedhjet në Partinë Demokratike për drejtimin e saj, janë 5 emra, të njohur dhe të panjohur që kanë zyrtarizuar kandidaturën.
I pari sigurisht që është kreu aktual i PD-së Lulzim Basha, i cili kërkon sërish të drejtojë partinë më të madhe të opozitës, me gjithë humbjen në zgjedhjet e 25 qershorit.
(Lulzim Basha)
Më pas vjen Eduard Selami, i cili ishte i pari që nga selia blu, njoftoi kandidimin, duke u regjistruar zyrtarisht në garë.
(Eduart Selami)
Më pas janë dy emra thuajse të panjohur për opinionin publik por jo për demokratët. Bëhet fjalë për Astrit Sinanaj, anëtar i PD në qytetin e Fierit, dhe Erion Piciri, i cili njoftoi dje se ka shpallur kandidaturën për kreun e PD.
(Astrit Sinanaj)
(Erion Piciri)
Po kështu një kandidat i fortë përballë Bashës, shihet Astrit Patozi, i cili një ditë më parë foli nga selia e PD-së duke deklaruar dhe shpalljen e kandidaturës për kryetar duke i thënë Bashës se është gati të përballet me të në një garë të barabartë.
(Astrit Patozi)
Por bashkë me sfidën, Patozi kërkoi shtyrjen e caktuar për mbajtjen e zgjedhjeve që është 22 korriku. Sipas vendimit të PD-së zgjedhjet do të mbahen sipas parimit “një anëtar, një votë”.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
