Ylli i Barcelonës, Lionel Messit i dha fund beqarisë, ndërsa lidhi kurorë me Antonella Roccuzzonin. Në një dasmë, përgatitjet e së cilës kishin nisur prej disa muajsh, gjithçka ishte e mirëmenduar.
Ceremonia madhështore u mbajt në Argjentinë, ndërsa Messi dhe gruaja e tij u shfaqën të lumtur, ndërsa nuk i kursen puthjet para të pranishmëve. Pjesë e ceremonisë martesore ishin edhe shumë yje të futbollit. Bashkëlojtar dhe ish-bashkëlojtar të Lionel Messit udhëtuan në Argjentinë.
Në mesin e të ftuarve ishin edhe Samuel Eto’o, Ezequiel Lavezzi, Carles Puyol, Xavi Hernandez, Angel Di Maria e të tjerë
“Dhurata” që u kërkoi Messi të ftuarave
Në llogarinë e tij zyrtare në Twitter, shkruhet se një prej kërkesave që ylli i futbollit u ka kërkuar të ftuarve ka të bëjë me dhuratën e dasmës së tij. Siҫ mësohet, ylli i Barcelonës u ka kërkuar të gjithë të ftuarave që ‘dhuratën’ e dasmës ta dhurojnë pranë fondacionit të tij “Leo Messi’, i cili u vjen në ndihmë fëmijëve në nevojë.
