Një organizatë e trafikimit të lëndëve narkotike është shkatërruar në Brindizi të Italisë, ndërsa janë arrestuar 14 persona, mes të cilëve shqiptarë dhe italianë. Ata akuzohen për trafikim të lëndëve narkotike nga Shqipëria drejt Italisë.
Sipas hetimeve organizata e kishte bazën e saj në Itali por ishte të gjendje të komunikonte me furnizuesit shqiptarë për të organizuar edhe transportimin e lëndës narkotike drejt brigjeve italiane.
Shqiptarët e arrestuar janë…
Vaso Mekshi, 39 vjeç,
Shfic Muho, 33 vjeç
Leonard Bufi, 36 vjeç
Emilian Bufi, 31 vjeç
Sipas medieve italiane, ata akuzohen për trafikim ndërkombëtar të lëndëve narkotike ndërsa gjatë hetimeve të cilat kanë zgjatur 10 muaj janë sekuestruar një sasi e madhe lëndësh narkotike e cila vinte nga brigjet shqiptare. Në total janë sekuestruar rreth 3 ton drogë e cila arrinte vlerën e 35 milionë eurove.
