Burrel, banorët japin alarm: Nuk kemi ujë 11 muaj në vit, i paguajmë faturat

Banorët e Burrelit kanë dhënë alarmin për mungesën e ujit.
Ata kanë deklaruar për mediat se pavarsisht se I paguajnë të gjitha faturaj e ujit, nuk furnizohen me ujë të pishëm 11 muaj në vit.
Rreth 40 familje në lagjen e ish-SMT në këtë qytet ankohen se kanë ujë vetëm 1 muaj në vit.
Drejtori i ujësjellës-kanalizimeve të Matit, Arjan Lika, u shpreh se gjithë kompania është në gatishmëri për furnizimin e popullsisë me ujë të pijshëm.
Grupet e punës janë në terren për të evidentuar lidhjet e paligjshme, që sipas tij, shkaktojnë situatën.
Ujësjellësi përballet edhe me problemin e përdorimit të ujit të pijshëm për vaditje në zonat rurale dhe nga lavazhet në qytetin e Burrelit.