Specialistët e Seksionit për Hetimin e Narkotikëve në Drejtorinë Vendore të Policisë Durrës, në bazë të informacioneve të marra në rrugë operative kanë sekuestruar 3 kg Cannabis Sattiva dhe arrestuar në flagrancë…
• Julian Maloku 24 vjeç, banues në Sukth i Ri, Durrës.
• Edison Shyti 29, banues në Sukth i Ri, Durrës.
Gjithashtu është shpallur në kërkim dhe po punohet për kapjen e…
• E. M., 20 vjeç, banues në Sukth i Ri, Durrës.
Arrestimi i tyre u bë pasi më datë 28. 06. 2017, në bazë të informacioneve të disponuara nga Strukturat Policore gjatë kontrollit të ushtruar në një çantë që e kishin personat e arrestuar, u gjetën dhe sekuestruan në cilësinë e provave materiale…
• rreth 3 kg lëndë narkotike e dyshuar e llojit Cannabis Sattiva;
• një armë zjarri automatik, model 56, kalibër 7.62 mm;
• një krehër me 30 fishekë.
Materialet i kaluan Prokurorisë së Rrethit Gjyqësor Durrës për veprime të mëtejshme për veprat penale”Prodhimi dhe shitja e narkotikëve”në bashkëpunim dhe”Prodhimi dhe mbajtja pa leje e armëve luftarake dhe e municionit” parashikuar në nenet 283/2 dhe 278/3 të Kodit Penal.
