Një aksident i rëndë ka ndodhur disa minuta më parë në fshatin Hotolisht, Librazhd ku një kamion në ngjyrë të bardhë i tipit “Ford” ka përplasur një makinë në ngjyrë gri metalizzato ku udhëtonin dy të rinj, njofton JOQ.
Sipas dëshmitarëve, kamioni ka dalë nga dyqanet në anë të rrugës dhe i ka prerë rrugën makinës duke i shkaktuar udhëtarëve dëme të rënda.
Dy të rinjtë ishin të mbuluar nga gjaku dhe sipas burimeve për janë në gjendje kritike për jetën. Ishin kalimtarët ata të cilët i kanë nxjerrë nga makina të rinjtë dhe u përpoqën t’i jepnin ndihmën e parë.
Ambulanca dhe policia u gjendën menjëherë në vendngjarje dhe të plagosurit u dërguan menjëherë në spital. Po punohet për zbardhjen e rrethanave të aksidentit.
