Kryeministri Edi Rama dhe ish-kryetari i Partisë Socialiste Fatos Nano janë takuar sot në vilën e Kryeministrit në Durrës.
Sipas burimeve të sigurta për “Balkanweb” nga zona e vilave qeveritare në Durres, sot rreth orës 17.30 pasdite ish-kryeministri Fatos Nano ka hyrë pas shumë vitesh në atë zonë për t’u futur në vilën e kryeministrit aktual. Lideri historik i Partise Socialiste dhe kryetari i sotem i socialistëve, kanë ndenjur për më shumë se dy orë së bashku.
Të njëjtat burime tregojnë për “Balkanweb” se më pas Edi Rama është larguar drejt Tiranës, ndërsa Fatos Nano drejt Golemit në shoqerinë e Sekretarit të Përgjithshëm të Kryeministrisë Ëngjëll Agaçi. Nuk dihet se për çfare ka folur Edi Rama me paraardhësin e tij, po kjo nuk është hera e parë që të dy takohen larg vëmendjes së mediave.
Takimi është i papritur ndërkohë që Nano nuk është përfshirë në fushatë sic ka ndodhur në vitin 2007 por indirekt edhe në vitin 2011, duke dëmtuar votat për PS në Tiranë.
Ndërkaq Ilir Meta ka patur deklarata të forta kundër Ramës tri dittë e fundit, cfarë mund të sjellë edhe një qëdnrim të ri të Presidentit të zgjedhur në lidhje me këtë post.
