Një 40-vjeçar shqiptar është vënë pas hekurave në Modena (Itali) pasi ka detyruar katër vajza të reja të kryenin marrëdhënie seksuale me të, nën kërcënimin se në të kundërt do u publikonte imazhe intime.
Shqiptari përdorte një profil fals në Facebook me emrin Emannuele, moshë 17 vjeçe dhe një fizik prej modeli. Kaq mjaftoi për të futur në kurth vajzat e reja.
40–vjeçarit, identiteti i të cilit nuk bëhet i ditur, ishte pa leje qëndrimi në Itali. Ai ishte arrestuar edhe më parë për dhunë seksuale ndaj një vajze në Solaro.
Sipas mediave italiane, ai përdorte rrjetet sociale për të afruar viktimat, i joshte që t’i dërgonin foto intime dhe më pas i kërcënonte, duke i detyruar të kryenin marrëdhënie seksuale, në mënyrë që të mos i publikonte fotot.
Në Facebook, ai ndryshonte foton e profilit nëse zbulohej. Ishte zbuluar dhe arrestuar në Mars të 2016–ës për dhunë dhe materiale pedopornografike. Tashmë, hetimet e gjykatës së Monza-s dhe Milanos kanë arritur të identifikojnë edhe 3 raste të tjera.
Një vajzë 17–vjeçare, e cila jetonte në Napoli, është detyruar të kryejë marrëdhënie seksuale të paktën 3 herë. Një tjetër vajzë në Cesano është përdhunuar dy herë, në kohën kur ishte ende minorene. Dhe në fund, një vajzë 21 – vjeçare në Milano, e detyruar gjithashtu që të kryente marrëdhënie seksuale me forcë.
Shqiptari i kërcënonte, torturonte psikologjikisht dhe në pak kohë i fuste në grackë. Përballë kërcënimit të publikimit të fotove nudo, adoleshentet detyroheshin të bënin siç donte 40 – vjeçari. Mediat italiane shkruajnë më tej se takimet kishin ndodhur në shtëpitë e tyre, përveç një rasti. Në kompjuterin e shqiptarit u gjetën më qindra foto vajzash nudo, e shumë imazhe të viktimave të tij. Gjithçka u zbulua falë një prej vajzave, e cila e tmerruar nga çfarë i kishte ndodhur, ia rrëfeu gjithçka nënës së saj.
Zbulohet maniaku shqiptar, ja si kërcënonte dhe përdhunonte vajzat adoleshente pas njohjes në internet
