Kanë rënë në prangat e policisë 4 persona, pasi në automjetin me të cilin ata udhëtonin është gjetur një sasi e madhe lëndësh narkotike e dyshuar si kanabis sativa.
Sipas burimeve të Drejtorisë Vendore të Policisë së Elbasanit, mësohet se gjatë operacionit të koduar “Transportuesi”, policia ka vënë në pranga shtetasit Asllan Muka, 38 vjeç banues në Shijak Fidel Osma, 23 vjeç banues në Durrës, Amarildo Braçe, 29 vjeç banues në Durrës, Mario Hoxholli, 23 vjeç banues në Durrës, pasi në makinën BMW X5, me të cilën ata udhëtonin është gjetur 65 kg kanabis sativa.
Arrestimi i tyre u bë pasi, gjatë kontrollit të ushtruar në automjetin BMW X5 me targa AA 006 KY drejtuar nga shtetasi Asllan Muka, në fshatin Lolaj të Njësisë Administrative Përparim të Bashkisë Peqin, u gjet dhe u sekuestrua një sasi e konsiderueshme lënde narkotike e dyshuar Cannabis Sativa.
Nga veprimet hetimore paraprake të kryera nga Specialistët e Sektorit Kundër Narkotikëve rezulton se kjo vepër penale, dyshohet të jetë kryer në bashkëpunim nga shtetasit; Fidel Osma i cili ka qenë drejtues i automjetit me targa AA 101 MY, Asllan Muka, Amarildo Braçe dhe Mario Hoxholli.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
