Itali, kokainë dhe mijëra euro, në pranga dy shqiptarë

Dy burra me origjinë shqiptare janë arrestuar nga policia italiane me kokainë.
Ata janë të moshës 32 dhe 37 vjeç.
Sipas raportimit në mediat italianë shqiptarët po udhëtonin tranzit përgjatë autostradës A1 në Firence. Atyre u është kapur 314 gram kokainë. Droga ishte fshehur brenfa instalimeve elektrike të makinës së tyre e mbështjellë me letër celofon. Tek policia ngjalli dyshime të shumta nervozizmi i dukshëm i shqiptarëve kur nisi të ushtrohej kontrolli. Vec drogës atyre iu gjetën edhe 6 mijë euro cash. Emrat e tyre nuk bëhen me dije ende.