Vajza e ish-deputetit të PD-së, Azem Hajdari, Rudina, e ftuar në “Tonight Ilva Tare” në Ora News tha se vendimi për t’u angazhuar në politikë është i kahershëm, ndërsa shton se do të përfaqësojë demokratët në njësinë 11, që është zona e Laprakës në Tiranë.
Ajo nuk preferoi të bënte komente mbi polemikat e shpërthyera së fundi në PD në lidhje me listën e kandidatëve.
Pjesë nga diskutimet:
Hajdari: Ndihem tejet e nderuar dhe e vlerësuar. Ndihem e lumtur që përfaqësoj njësinë 11, atë të Laprakës. Hyrja ime në PD e vlerësoj si një moment kyç të jetës sime, por edhe për Shqipërinë, pasi e ndjej që tek të rinjtë ka disa probleme. Fatkeqësisht, politika shqiptare nuk është e përfaqësuar shumë nga të rinjtë.
Tare: Kthimi në Shqipëri kishte ambicie për të hyrë në politikë?
Hajdari: Kthimin në Shqipëri ka qenë një vendim që e kam marrë prej kohësh. Hyrja në politikë nuk është rastësi. E kam dashur gjithnjë. Reagimet kanë qenë shumë shumë të mira si brenda PD-së, si jashtë. Duke qenë se koha është e shkurtër, mund të arrijmë shumë gjëra. Jam besimplotë se do të jem një “dorë e madhe” për Partinë Demokratike në atë zonë.
I kam ndjekur dhe jam e lumtur që në lista ka kaq shumë të rinj. Listat e mbyllura kanë problemet e tyre. Shpresoj që në mandatin tjetër të ndryshohet.oranews
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
