FOTO & EMRI/ Itali, aksident tragjik, vdes shqiptari

Një aksident me vdekje ka ndodhur pasditen e djeshme në periferi të Breshias (Itali), ku një shqiptar ka mbetur i vdekur.
Viktima është Xhevahir Hoxha, me banim në komunën “Botticino” të Breshias, i cili më 12 qershor mbushte 38 vjeç.
Ai ishte duke udhëtuar me makinën e tij “Opel Zafira” që është përplasur kokë më kokë me një tjetër automjet tip “Volvo XC90”, SUV.
Për muratorin shqiptar, impakti i dhunshëm solli vdekjen, ndërsa udhëtarët (një familje gjermane) që ndodheshin në makinën tjetër e përfshirë në incident, nuk janë lënduar.
Në incident është përfshirë edhe një tjetër automjet, drejtuesi i së cilës ka mbetur i palënduar.
Hetimet janë në vijim për të zbardhur dinamikën e aksidentit.