Myftiu i Tiranës Ylli Gurra i ka bërë thirrje besimtarëve dhe qyetarëve të vendit të votojnë në datën 25 qershor, pavarësisht se kjo ditë përkon me festën e Bajramit.
Fushata zgjedhore përkon gjithashtu me muajin e Ramazanit; agjërimin prej 30 ditësh të besimtarëve myslimanë, ndaj, myftiu i Tiranës apeloi politikën të jenë të kujdeshëm dhe të matur në mesazhet që i përçojnë qytetarëve.
Ky reagim i Myftiut të Tiranës, vjen pas disa qëndrimeve nga besimtarët myslimanë apo imamë që zgjedhjet të shtyheshin në një tjetër datë dhe të mos zhvilloheshin në ditën e Bajramit. Për të sqaruar dhe qetësuar të gjithë ata që agjërojnë dhe kremtojnë Bajramin, Myftiu i Tiranës u ndal në rëndësinë që ka kjo ditë si e drejtë kushtetuese për të zgjedhur elitën partiake që do të drejtojë vendin në 4 vitet e ardhshme.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
