Agron Duka zbardh ftesën e mbrëmshme për Edi Ramën dhe si u realizua takim “tet a tet” me Lulzim Bashën

Kreu i PAA, Agron Duka, i cili së bashku me kreun e PR Fatmir Mediu iniciuan tryezën e djeshme parlamentare, rrëfeu sonte për emisionin “Opinion” të Blendi Fevziut në TV Klan, se si ia dërgoi ftesën Edi Ramës dhe si arriti që kryeministri të ftoj dhe të takohet “tet a tet” me kreun e PD-së Lulzim Basha.
“Ftesën për tryezën e djeshme ja dërgova Ramës me SMS. Nga ai nuk mora një konfirmim, por një përgjigje evazive, që më tepër dukej si refuzuese. ‘
Merruni me zgjedhjet. Keni edhe 4 orë kohë nga përfundimi afatit. Futuni në zgjedhje. Unë nuk kam kohë të vij në tryezë’, mu përgjigj Rama… Por ai erdhi në tryezë, me qëndrimet e tij refuzues.
‘Nuk shtyj zgjedhjet ju kam dhënë shansin’, ishin përgjigjet e Ramës në tryezën e mbrëmshme. Befas, pas shumë debatesh, u duk sikur pati një farë ndjeshmëri dhe i tha Bashës kam dëshirë të jem në një takim ‘tet e tet’”, tregoi Agron Duka.
DRONI.al