Një shqiptar është arrestuar nga policia italiane, pas një ndjekje si në filma.
Ngjarja ka ndodhur mbrëmjen e kaluar mes Arzignano dhe Montecchio Maggiore.
Përmes programit ‘Targa Sistem’, policia zbuloi se një makinë tip ‘Volsëagen Touran’ e cila rezultonte e vjedhur më 5 maj në Verona, ndërsa është lokalizuar me 3 persona në bord në zonën Arzignano. Menjëherë pas kësaj, karabinierët kanë ndërhyrë, por drejtuesi ka shtuar shpejtësinë duke u drejtuar drejt komunës Alte Ceccato, ndërsa policia e ka ndjekur. Gjatë ndjekjes shqiptari së bashku me 2 persona të tjerë në bord ka tentuar të nxjerrë nga rruga makinën e policisë duke i shkaktuar dëmtime mjetit. Pasi kanë kuptuar se nuk kishin shpëtim, ata kanë ndalur me mjetin e grabitur në sheshin ‘Evropa’ dhe ja kanë mbathur me vrap. Policia arriti të arrestojë shqiptarin Ergen Biba, 21 vjeç, ndërsa 2 të tjerë janë në kërkim. Policia sekuestroi mjetin e vjedhur si dhe 2 celularë brenda tij të cilët rezultonin gjithashtu të vjedhur. Shqiptari dhe dy bashkëpunëtorët e tij akuzohen për ‘vjedhje’ dhe rezistencë ndaj policisë.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
