Policia italiane e qytetit të Fogias ka arrestuar me akuzën e trafikut të drogës të tipit heroinë 3 shqiptarë, Klodian Lecini, Pëllumb Sorra dhe Shemsi Tusha.
Ndalimi i tyre është bërë ndërsa udhëtonin me dy automjete në autostradën me drejtim Fogian.
Automjetet udhëtonin në distancë mjaft të afërt me njëri-tjetrën, sjelle kjo tipike e trafikantëve të drogës e që ka çuar në dyshimin e policisë rrugore.
Pas disa minutash ndjekje policia italiane ka bllokuar të dy automjetet e në njërin prej tyre drejtuar nga Klodian Lecini janë gjetur rreth 1 kg e 15 gramë heroinë e cilësisë mjaft të pastër e konfeksionuar në dy pako.
Nga kjo sasi droge mund të përgatiteshin rreth 4500 doza heroinë. Një gramë heroinë shitet në tregun klandestin nga 50 – 70 euro e përftimi ekonomik e kësaj sasi droge do të ishte i lartë.
Gjithashtu policia italiane pas kontrollit në banesat e tyre ka sekuestruar dhe rreth 3900 euro cash.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
