Në katër vite si deputet në Kuvend ndërroi tre parti politike.
U zgjodh me PR-nw, shkoi te LSI-a dhe në 18 qershor do të garojë për një vend në listat e qarkut të Elbasanit si kandidat për PS-nw
Ky ka qenë rrugëtimi politik i deputetit Luan Duzha, i cili është i vetmi që ka ndërruar plot tre herë ngjyrat e partive në vetëm brenda një legjislature në Kuvend.
Luan Duzha u zgjodh deputet për herë të parë në zgjedhjet e vitit 2013-të, në qarkun e Elbasanit nën siglën e Partisë Republikane. Por vetëm pas një muaji, ai nuk i ka rezistuar ofertës së Ilir Metës dhe nga partia e djathtë Republikane e Fatmir Mediut, që kishte kaluar në opozitë u hodh në krahët e të majtës LSI, që sa kishte ardhur sërish në pushtet.
Nga partia e Metës, Duzha kaloi pak muaj më parë te Partia Socialiste, ndërsa në listën e kandidatëve për zgjedhjet e 18 qershorit renditet i gjashti.
Mbetet për t’u parë nëse edhe gjatë legjislaturës së ardhshme, deputeti Duzha do t’i qëndrojë besnik PS-së, apo do të vijojë me cirkun, duke ndërruar flamujt e partive.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
