Në momentin e lirimit të të birit, Hilmiu, babai i Ramushit, ka shpërthyer në lot.
Motra e Ramushit, Antigona ka ndarë momentet emocionuese të familjes pas marrjes së lajmit së lirimit të kreut të AAK-së.
“Lot gëzimi!”, lot gëzimi ka shkruar ajo në fotografinë që e ka postuar.
Haradinaj u ndalua në aeroportin e Baselit të Zvicrës në pjesën franceze para pak javësh dhe prej asaj kohe ka qëndruar në qytetin e Strasburgut.
Gjykata e Colmar, ka dhënë sot vendimin përfundimtar për Haradinajn due refuzuar ekstradimin në Serbi, ashtu siç kishin kërkuar autoritetet serbe, por duke e liruar atë.
Për lirimin e Haradinajt është shprehur edhe Presidenti i kosovës, Hashim Thaci. “Vendimi i Gjykatës së Colmar, që z. Haradinaj të kthehet në Kosovë është lajm i mirë për familjen Haradinaj, për bashkëpunëtorët e tij dhe gjithë Kosovën. Edhe një herë u vërtetua që shpifjet e shërbimeve serbe kundër Ushtrisë Çlirimtare të Kosovës janë të paqëndrueshme dhe nuk përfillen nga bota demokratike”, ka komentuar Thaci.
Ndërsa nga Tirana, ish-kryeministri Pandeli Majko shkruan: “Më në fund… Gjykata franceze, liroi Ramush Haradinaj duke ripohuar atë që dihej. Kthim të mbarë në shtëpi, komandant!”
