Atentati në autostradën Tiranë-Durrës në afërsi të Sukthit ku mbetën sot të vrarë me armë zjarri ish-shefi i Krimit Ekonomik në Tiranë, Ervin Dalipaj dhe miku i tij, Juxhin Dauti ka ndodhur në një zonë të “populluar” nga dhjetra biznese, të gjitha të pajisura me kamera sigurie.
Sipas të dhënave paraprake nga policia, ky detaj është një favor plus për hetimin e plotë të ngjarjes dhe identifikimin e autorëve të këtij atentati.
Menjëherë pas ekzekutimit të Dalipaj dhe Dautit brenda automjetit të tyre tip Audi me targa “AA 111 OI”, policia ka rrethuar menjëherë zonën dhe ka nisur hetimet duke sekuestruar pamjet filmike të kamerave të sigurisë të të gjitha bizneseve pranë vendit të ngjarjes.
Pas verifikimit të pamjeve shpresohet të identifikohet targa dhe mjeti, ndoshta edhe vetë pamja e autorëve të vrasjes.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
