Burgu i Vlorës i përfshi nga trazira ditën e sotme kur grupe të dënuarish nisën një përleshje fizike mes tyre.
Më pas ka ndërhyrë policia por trazirat nuk kanë reshtur. Të burgosurit kanë ndezur dyshekët e qelive duke vënë në rrezik jetën e tyre, të policisë dhe vetë egzistencën e burgut.
Në burg kanë ardhur më pas forcat speciale dhe zjarrfikësit që kanë arritur të shuajnë edhe zjarrin edhe trazirat. Por një polic ka përfunduar në spital.
Njoftimi i IEVP Vlorë:
Drejtoria e Përgjithshme e Burgjeve për ngjarjen e ndodhur ditën e sotme në IEVP Vlorë ku I është vënë flaka disa dyshekëve nga ana e disa të paraburgosurve ju bëjmë me dije se:
Pas një konflikti fizik midis disa personave me rekorde të theksuara kriminale kanë ndërhyrë në mënyrë të menjëhershme forcat e policisë se burgut. Është bërë izolimi I personave të përfshirë në konflikt. Pas kësaj shokët e qelivë të personave të futur në izolim në shenjë proteste I kanë vënë flakën dyshekëve të dhomave përkatëse duke sjellë pështjellim të situatës.
Menjëherë është bërë njoftimi I forcave zjarrfikëse, Forcave Operacionale të Drejtorisë së Përgjithshme të Burgjeve si dhe I forcave të Policisë së Qarkut Vlorë. Gjithashtu është njoftuar dhe prokuroria Vlorë.
Si pasojë e kësaj ngjarjeje është dërguar në spital pas asfiksisë nga tymi një efektiv I policisë së Burgjeve.
Pas largimit të zjarrfikëseve situate në IEVP Vlorë është totalisht e normalizuar.
Drejtoria e Përgjithshme e Burgjeve ju bën me dije se në çdo moment është në ndjekje jo vetëm ne situatën e krijuar në IEVP Vlorë por dhe në çdo IEVP tjetër në Republikën e Shqipërisë, në përmbushje të detyrave funksionale dhe në zbatim të planit të plotë të sigurisë.
Droni.al
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
